المحتويات
قصائد عمرو حسن عمرو حسن كلمات قصائد عمرو حسن الشاعر
عمرو أحمد حسن هو شاعر مصري ولد في الإسماعيلية، اشتهر في مصر في السنوات الأخيرة بسبب كلماته الرائعة في الشعر وإضافته نكهات جديدة للشعر الذي يقدمه على المسرح، حتى أصبح بالشكل الرائع الذي نراه الاَن في مسارح مصر.
قصائد عمرو حسن
بدأ عمرو حسن يكتب شعره في 2004 وظل يتفوق على نفسه حتى أصبح من الأشخاص المميزه الذي له أسلوبه الخاص في كتابة شعره.
إليك جزء من قصيدته الجميله المؤثرة في القلوب:
(مابتحبكش)
بتتعب ليه وتزرع أرض مش أرضك
وليه سهران
وليْه قلقان ومش نايم
وليه قاعد وليه قايم تجيب في سيرتها ومشاعرك تسيل على الأرض !
مابتحبكش والله
وكل اللي اتعمل بينكم حكاية وقت مش أكتر
كلامك كله كان عادي
ووردك مرمي في الشارع من الشباك
بتضحكلك وتبقى معاك
وتحلفلك تكون وياك
مابتحبكش
بتبني في ايه؟
بتنكر ليه كلام واضح كضي الشمس
بقالك قد أي مشتاق
لواحده كان لقاها فراق
وكنت معاها طفل كبير
حكيت للكل عنها بدون ماتتكلم
وكنت تشوفها فتسلم
وكنت تشم بارفانها فتعرف دارها ومكانها
وتعرف كل الوانها بلمسة ايد
ادي العيل في وصف العيد
لا نفع الشاي ولا الحكايات
ولا الأحلام ولا البدايات
وَلا الحواديت ولا السلامات
ولا الحرمات
وَلا حتى الكلام بينكم
ف اول لحظة تختلفوا تهين ضلك
عمرو حسن
عمرو حسن يعتبر من أشهر الشعراء المعروفين الذين انتشروا في الفترة الأخيرة
والذي نال على إعجاب الكثير من الأشخاص، كما أن شهرته انتشرت على مواقع التواصل الاجتماعي كالفيسبوك، وأصبح محط اهتمام جميع الشباب والشبات وحتى كبار السن.
إليكم قصيدة من قصائدة الرائعة:
(قصيدة بعد السكران مايفوق)
وانتي بتقولي لصحابك
قد ايه أنا شخص قاسي
وطبعي في غاية السئالة
ابقي قولي ان انا سبب البطالة
سبب انخفاض منسوب مياه النيل
خفة الدم اللي فيكي مهونة دمي التقيل
وان ذوقي كله ذوقك
واني بتمرمغ في شوقك بس جاحد
اشتميني تعلي مني
ذّمي سيرتي هتمدحيني
خرّجي الطبع اللي فيكي وفرحيني
دول كاسين منقوعهم ايه اللي يجيبوني
ارمي عمري بين ايديكي وأقول يادوب
خمرة ايه اللي تاخدني لواحدة بتكسّر قلوب
كنت بستحمل مصايب مش ببيّن
عشت أقول على الغلطه وارده
كنت اشوف الشوكة وردة
واوصف القاسي انه هيّن
_ _ _ _ _ _
دلوقتي باشوف طيفك أوضح
وبلاحظ شرخ مابيننا كبير
كل اللي اتقال عنك مش صح
انتي اوحش م اللي اتقال بكتير
_ _ _
انت كان لك ماضي قبلي
وعرفت غيري وحبيته
والماضي ده جاني وقاللي
واداك حياته وادّيته
وعشان كدا كان لازم أفكر
قبل ما حبك اكتر واكتر
لو حبك الماضي صحي
وتلاقي روحك بين حبيبين
هيبقى فين أنا مطرحي؟
وساعتها اروح من جرحك فين!
سامحني
_ _ _ _
الشاعر عمرو حسن
حصل الشاعر عمرو حسن على جوائز عديدة نظرًا لتفوقه الرائع في كتابة القصائد، حصل على جائزة الشعر من الهيئة العامة لقصور الثقافة، وجائزة ساقية الصاوي التشجيعية.
اليك جزء من قصيدة الشاعر عمرو حسن فانظروا الى هذه الكلمات واستمتعوا بقراءتها:
(قصيدة اللي بيحبك يصونك)
اللي بيحبك يصونك
يبقى نور ساكن عيونك
اللي بيحبك يهاودك
لما يظهر فيك جنونك
يبقى فرحك لما تحزن
لما كل الناس تخونك
اللي بيحبك يضمك
ولما تتكسر يلمك
تبقى حاسس انه دمك
اللي بيحبك يشيلك
تندهله عالطول يجيلك
يبقى عطشان من سبيلك
ممكنه من مستحيلك
تلقى دمعه سلسبيلك
يمسح الأحزان بكُمك
اللي بيحبك يحاوطك
يبقى مستحمل قساوتك
يبقى فاهم أمنياتك
إيه بتتمناه في حياتك
جاف يقاوم استيكاتك
حضنه يشبه حضن امك
اللي بيحبك مرايتك
انت غايته وهو غايتك
يبقى حته من حكايتك
يعني فاهمك من كلامك
من ملامحك وابتسامك
واما تكتر فيك الاَمك
يبقى متغرب بدونك
اللي بيحبك يشِّدك
لما تبقى وحيد ضعيف
يبقى اجمل حاجة عايشة
لما كل الكون سخيف
شخص لجل عيونك انت
مستعد يعيش كفيف
شوف بقا مين اللي حبك
مين بيرهن عمره جنبك
أن لقيته بجد حبك
قول له كان الله في عونك
قصائد عمرو حسن مكتوبة
أنتج الشاعر عمرو حسن أول ديوان شعري له عام 2008 لكن لم يتم نشره في ذلك الوقت، ولكنه لم ييأس واستمر في كتابة الشعر إلى أن وصل لهذه المكانة المميزة وخاصة في الشعر باللغة العامية
إليكم جزء من قصائده الرائعة:
(قصيدة جوابي ده الأخير ليكي)
جوابي ده الأخير ليكي
يامعاليكي
ياست الحزن
يَاسبب الحزن والعلة
ياشجرة حسبتها ضلة وطلعت نار
بداية القول: مساء الفل على الأزهار على خدودك مابنجرحش
ومابنسمحش حد يقول كلام عنك
لذلك ثم أما بعد ،
أنا الطفل اللي كان في عنيكي متشعبط
يشوفك روحه تتلخبط
وقلبه ابن الحرام يضعف ويستعبط
كَإنك زار وانا الدرويش
كإنك غار وانا الحرافيش
كإنّك كنتي قرش حشيش
دخل رئتيني وملاني
كإنك دار وانا اللي ماليش
سوا الدار اللي لمّاني
بغض الجرح مين خان مين
ومين قصّر مع التاني
وغض الطرف عن اسمك
وطعم خروجه ف لساني
انا مليّت من القصة ومن لعبة خلاص لسه
كلمات قصائد عمرو حسن
(قصيدة هيبتا)
نبدأ منين
من صدفة في الشارع
أو شارع الصدفة
أو أي شيء مدهش بيتم بين اتنين
من التقاء العين
أو من حاجات تانية
تبدأ من الدنيا
على اعتبارها كمين
بين احنا والتانيين
ويبدأ التدوين
من أول السيرة
الصدفة تجمعنا
زي اللي خارج من كافيه بالليل
يخبط في كتف مهندسة بترول
أو عاملة في مصنع
تسقط ما بينهم أغنيات صدفة
لا يوطوا يجنوها ولا يسيبوها تكُف
-تكبر هنا شجرة مجهولة المصدر وشكلها مختلف – تنمو بفعل الوقت
وتصير مخازن للطيور والقش
البذرة صدفة والفروع علاقات
بالتالي يا حضرات
لا تُهملوا الخطوات أو تمشوا مش شايفين
هتدوسوا على علاقات وبواقي بني اَدمين
فتوخوا بعض الحذر
أو امنعوا في النظر
جايز تشوفوا اتنين واقع مابينهم شيء
هيكون لبكرة طريق
يشبه طريق بكره
واتأملوا الحكايات
اتأملوا الحكايات
في الدنيا ياما حاجات أكبر من الرؤية
فبنمشي مانشوفهاش
شجرة هنا بتكبر بين حد جه وماراحش
وحد راح وماجاش
شاركونا قصائد عمرو حسن
للمزيد من الأدعية ومن عبارات موقعنا المميزة والرسائل الجميلة .. قوموا بمتابعة جديدنا عبر صفحاتنا في فيس بوك و تويتر لمشاهدة جديد العبارات والرسائل والخواطر والأدعية والكلمات الجميلة.
شاهد أيضاً
هيبقى فين أنا مطرحي؟
وساعتها اروح من جرحك فين!
سامحني
تعبر هذه العباره عن تعبير عاطفي اي بمعنى انه لن يتخلى عن الجرح الذي اصابه وان يترك من يحب ويذهب عنه بعيداً وهنا في الصياغ التالي من القصيده يطلب السماح
اي بمعنى انهُ نادم على امر ما حصل له ويرغب في الصلح وتوضيح تلك الأسباب التي جعلت الامور تؤل الى هذا المأال وعدم اتخاذا القرار في تركه والرحيل عنه
كل الحاجات بتطُل من ذكرى الحاجات
ف الليل وكل المرتاحين نايمين
هتمر جنبك لحظة تسوى ساعات
أنا كتفي ممكن تلمسه يشوّك غياب
من كُتر الكتابة عنّها / باخت
فيه حاجات زيادة مَدْحها لعنة
يا رب هَبنا قهوة تشبه حُزننا
واوهبنا شخص أصمّ يسمعنا
وادينا قلب نبوحله مايخونناش
وادينا حضن نروحله ، فيساعنا ”
دلوقتي باشوف طيفِك أوضح
وبلاحظ شرخ ما بيننا كبير
كل اللي اتقال عنك مش صح
انتي اوحش م اللي اتقال بكتير.