المحتويات
أشعار صلاح جاهين أبو زعيزع صلاح جاهين صلاح جاهين رباعيات
يعتبر الشعر من أشهر الفنون، فقد كان هناك الكثير من الشعراء فى الزمن الجميل قديما، والشاعر كان يتفنن بإلقاء الشعر ويتبارز به مع أقرانه فى هذا المجال، حيث أن المجتمع العربي يكثر فيه الشعراء وابداعاتهم في الشعر، ويعتبر صلاح جاهين من الشعراء الذين لمع اسمهم فى ساحة الشعراء فهو من عمالقة الكتاب الذين يتمتعون برقعة واسعة من القراء الذين يقرأون ويستمتعون بكتاباته.
أشعار صلاح جاهين
يعتبر صلاح جاهين من الشعراء المبدعين الذين برزوا فى مجال الشعر
قصيدة على اسم مصر التاريخ يقدر يقول ما شاء:
على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
على اسم مصر
النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
*****
مصر السما الفزدقي وعصافير معدية
والقلة مملية ع الشباك .. مندية
والجد قاعد مربع يقرا في الجرنال
الكاتب المصري ذاته مندمج في مقال
ومصر قدامه اكتر كلمة مقرية
قريتها من قبل ما اكتب اسمي بإيديا
ورسمتها في الخيال على أبدع الأشكال
ونزلت أيام صبايا طفت كل مجال
زي المنادي وفؤادي يرتجف بجلال
********
مصر .. التلات أحرف الساكنة اللي شاحنة ضجيج
زوم الهوا وطقش موج البحر لما يهيج
وعجيج حوافر خيول بتجر زغروطة
حزمة نغم صعب داخلة مسامعي مقروطة
في مسامي مضغوطه مع دمي لها تعاريج
ترع وقنوات سقت من جسمي كل نسيج
وجميع خيوط النسيج على نبرة مربوطة
اسمعها مهموسة والا اسمعها مشخوطه
شبكة رادار قلبي جوه ضلوعي مضبوطة
على اسم مصر
صلاح جاهين
قدم صلاح جاهين الكثير من الكتابات التى نالت إستحسان الكثير من القراء.
ققصيدة عناوين جرانين المستقبل :
احنا العمال اللى انقتلوا
قدام المصنع فى ابو زعبل
بنغنى للدنيا ونتلو
عناوين جرانين المستقبل:
وحدة صف الأحرار
جبهة لكل الثوار
عبور الجيش لسينا
الزحف من الأغوار
جيش العدوان يتقهقر
الأرض قايدة نار
والبحر قايد نار
الاستعمار أثبت فشله
البيت الأبيض لا يخجل
إحنا العمال اللى انقتلوا
قدام المصنع فى أبو زعبل
بنغنى للدنيا ونتلو
عناوين جرانين المستقبل:
محكمة للمجرمين
قائمة بالمتهمين
إدانة مستر نيكسون
بقتل الاسطى ياسين
القاتل استعمارى
القتلى وطنيين
عمال مدنيين
نصارى ومسلمين
مرتكبو المذبحة يعتقلوا
الحكم عى المتهم الأول
احنا العمال اللى انقتلوا
قدام المصنع فى ابو زعبل
بنغنى للدنيا ونتلو
عناوين جرانين المستقبل:
الجو غدا يتحسن
معرض لزهور السوسن
الخطة الخمسية تنفذ
مهرجانات النصر غدا
تصفية الصهيونية
دولة فلسطين .. تعلن
دستور وقوانين .. تعلن
حرية الدين .. تعلن
قوس تذكارى جارى عمله
طالين منه احنا وح نفضل
احنا العمال اللى انقتلوا
قدام المصنع فى ابو زعبل
بنغنى للدنيا ونتلو
عناوين
جرانين
المستقبل
رباعيات صلاح جاهين
الرباعيات هي مجموعات شعرية قام بكتابتها صلاح جاهين فمن هذة الرباعيات.
خرج ابن آدم من العدم قلت : ياه
رجع ابن آدم للعدم قلت : ياه.
تراب بيحيا وحي بيصير تراب
الأصل هوالموت ولا الحياه ؟
عجبي !!!.
ضريح رخام فيه السعيد اندفن
وحفره فيها الشريد من غير كفن
مريت عليهم قلت يا للعجب
الاتنين ريحتهم لها نفس العفن
عجبي !!!.
ياما صادفت صحاب و ما صاحبتهمش
و كاسات خمور و شراب و ما شربتهمش.
أندم علي الفرص اللي انا سبتهم
ولاعلي الفرص اللي ما سبتهمش
عجبي !!.
والكون ده كيف موجود من غير حدود
وفيه عقارب ليه و تعابين ودود.
عالم مجرب فات و قال سلامات
ده ياما فيه سؤالات من غير ردود
عجبي !!!.
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!.
يا باب يا مقفول إمتي الدخول
صبرت ياما و اللي يصبر ينول
دقيت سنين والرد يرجع لي : مين ؟
لو كنت عارف مين أنا كنت أقول
عجبي !!!.
أحب أعيش ولو في الغابات
أصحي كما ولدتني أمي وأبات
طائرحوان حشرة بشر بس أعيش
محلا الحياة حتي في هيئة نبات
عجبي !!.
صلاح جاهين رباعيات
قدم صلاح جاهين رباعيات شعرية حازت علي إعجاب الكثير من القراء.
رقبه قزازة و قلبي فيها انحشر
شربت كاس و اتنين و خامس عشر
صاحبت ناس م الخمرة ترجع وحوش
و صاحبت ناس م الخمرة ترجع بشر
عجبي !!!! .
ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!! .
أبو زعيزع صلاح جاهين
قدم صلاح جاهين أغنية بعنوان أبو زعيزع وهي من الأغاني القديمة حيث أنها ما زالت متأصلة فى ذاكرتنا.
يا أبو زعيزع قُمْ صَلِّي دا أنت ف ريح المتولي
خلِّ مراتك زعزوعة تلحق تطبخ وتقلّي
لسه الشهر اتنين منّه والجيب عمران على سنّه
ويا ما أحلى يوم الجمعة والغدوة رزّ بدمعة
واللحمة كمونيّة والفتّة بالتقليّة
يا أبو زعيزع قُم صَلِّي يا لا لي يا لا لا لي
قُمْ صلِّي وانزل ع السوق هات كيلو لحم مشفّي
م الموزة لا عضم ولا عروق لَجْل يحوَّق ويكفّي
زعزوعة فين بواجيرك فين حِللك فين مواجيرك
أنا رايح زاوية أبو شوال بدل الجامع والزحمة
على بال الخطبة ما تنقال تكوني انتي طبختي اللحمة
وحا جيب لك حاجة تحلّي يا لا لي يا لا لا لي
أبو زعيزع راح صلَّى ورجع م الجوع يتقلَّى
لقى بواجيره مطفّيّة والحلّة كمان مكفيَّة
زعزوعة يا زعزوعة ما لك كده ليه مرزوعة
قالت له عندى زغطَّة واللحمة كلتها القطَّة
الراجل بقى يتكفَّى حطّ القطة في الكفّة
القطة طلعت كيلو واللحمة كانت كيلو
يا لا لي يا لا لا لي
يا برُطّة يا أمّ زغطّة هو ما فيش عندك رحمة
آدي اللحمة فين القطة وادى القطة فين اللحمة
أشعار صلاح جاهين الحزينة
قدم صلاح جاهين اشعار حزينة فمن هذة الأشعار.
ضريح رخام به السعيد اندفن
و حفرة بها الشريد من غير كفن
مريت عليهم قلت يا للعجب
لاتنين ريحتهم لها نفس العفن
عجبى !!
ياما صادفت صحاب وما صاحبتهم
و اكواب خمور و شراب وما شربتهمش.
اندم على الفرص الي انا سبتهم
ولا على الفرص الي ما سبتهمش
عجبى !! .
والكون دة كيف موجود من غير حدود
وبه عقارب لية و تعابين و دود
عالم مجرب فات و قال سلامات
دة ياما به سوالات من غير ردود
شاركونا أشعار صلاح جاهين
للمزيد من الأدعية ومن عبارات موقعنا المميزة والرسائل الجميلة .. قوموا بمتابعة جديدنا عبر صفحاتنا في فيس بوك و تويتر لمشاهدة جديد العبارات والرسائل والخواطر والأدعية والكلمات الجميلة.
شاهد أيضاً
يا باب يا مقفول إمتي الدخول
صبرت ياما و اللي يصبر ينول
دقيت سنين والرد يرجع لي : مين ؟
لو كنت عارف مين أنا كنت أقول
عجبي !!!.🌼
قالَ السَماءُ كَئيبَةٌ وَتَجَهَّما
قُلتُ اِبتَسِم يَكفي التَجَهّمُ في السَما
قالَ الصِبا وَلّى فَقُلتُ لَهُ اِبتَسِم
لَن يُرجِعَ الأَسَفُ الصِبا المُتَصَرِّما
يا بخت من يقدر يقول
واللي ف ضميره يطلَّعه
يا بخت من يقدر يفضفض بالكلام
وكل واحد يسمعه
أحب أعيش ولو في الغابات
أصحي كما ولدتني أمي وأبات
طائرحوان حشرة بشر بس أعيش
محلا الحياة حتي في هيئة نبات
عجبي !!.
انهاا قصيده رائعه تعني الحب للحياة المتواضعه والتقرب من الطبيعه ويُبين إهتمام الشاعر بالعيش بسعاده وسط تلك الأجواء كالغبات وفيها يمكل جمال الحياة بجميع أشكاله سواء كانت حياة الطيور والنبتات وغيرها من المخلوقات التي تعيش في الغابات وهذه نظره إجابيه نحو الحياة وتُعبر في نفس الشاعر عن التأمل في الجمال من حوله